|
ਪੰਜਾਬ 'ਚ ਗੜੇ ਪੈਣ ਦਾ ਡਰ
Date: Apr 15, 2012
ਚੰਡੀਗੜ੍ਹ/ਜਲੰਧਰ¸ਪੱਛਮ-ਉੱਤਰ ਖੇਤਰ 'ਚ ਬੱਦਲ ਛਾਏ ਰਹਿਣ ਤੇ ਘੱਟੋ-ਘੱਟ ਤਾਪਮਾਨ ਡਿੱਗਣ ਨਾਲ ਮੌਸਮ ਜ਼ਰੂਰ ਵਧੀਆ ਹੋ ਗਿਆ ਹੈ ਪਰ ਕਿਸਾਨਾਂ 'ਚ ਚਿੰਤਾ ਵਧ ਗਈ ਹੈ। ਮੌਸਮ ਦਫਤਰ ਅਨੁਸਾਰ ਅਗਲੇ 48 ਘੰਟਿਆਂ 'ਚ ਪੰਜਾਬ ਤੇ ਹਰਿਆਣਾ 'ਚ ਕਿਤੇ-ਕਿਤੇ ਤੇਜ਼ ਹਵਾਵਾਂ ਚੱਲਣ ਜਾਂ ਗੜੇ ਪੈਣ ਦੀ ਸੰਭਾਵਨਾ ਹੈ। ਖੇਤਰ 'ਚ ਕੁਝ ਸਥਾਨਾਂ 'ਤੇ ਹਲਕੀ ਬਾਰਿਸ਼ ਜਾਂ ਗਰਜ ਨਾਲ ਛਿੱਟੇ ਪੈ ਸਕਦੇ ਹਨ। ਚੰਡੀਗੜ੍ਹ, ਪੰਜਾਬ ਅਤੇ ਹਰਿਆਣਾ 'ਚ ਮੌਸਮ ਪਿਛਲੇ ਦੋ ਦਿਨਾਂ ਤੋਂ ਸੁਹਾਵਨਾ ਬਣਿਆ ਹੋਇਆ ਹੈ। ਅੱਜ ਸਵੇਰ ਤੋਂ ਬੱਦਲ ਛਾਏ ਰਹਿਣ ਅਤੇ ਠੰਡੀ ਹਵਾ ਚੱਲਣ ਨਾਲ ਤਾਪਮਾਨ ਹੇਠਾਂ ਆ ਗਿਆ।
ਚੰਡੀਗੜ੍ਹ ਦਾ ਤਾਪਮਾਨ 18.4 ਡਿਗਰੀ ਸੈਲਸੀਅਸ ਰਿਹਾ ਜਦਕਿ ਆਦਮਪੁਰ, ਬਠਿੰਡਾ, ਅੰਮ੍ਰਿਤਸਰ, ਹਲਵਾਰਾ 'ਚ ਤਾਪਮਾਨ 17 ਡਿਗਰੀ ਦੇ ਆਸਪਾਸ ਰਿਹਾ। ਬਾਰਿਸ਼ ਦਾ ਮੌਸਮ ਬਣਨ ਨਾਲ ਕਿਸਾਨਾਂ ਦੀਆਂ ਪ੍ਰੇਸ਼ਾਨੀਆਂ ਵਧ ਗਈਆਂ ਹਨ। ਵੈਸੇ ਵੀ ਦੋ ਦਿਨ ਪਹਿਲਾਂ ਹਨੇਰੀ ਨਾਲ ਪਏ ਗੜਿਆਂ ਨੇ ਕਾਫੀ ਨੁਕਸਾਨ ਪਹੁੰਚਾਇਆ। ਓਧਰ ਹਿਮਾਚਲ 'ਚ ਵੀ ਸੇਬ ਦੇ ਬਾਗਾਂ ਨੂੰ ਕਾਫੀ ਜ਼ਿਲਿਆਂ 'ਚ ਨੁਕਸਾਨ ਹੋਇਆ ਹੈ।
punjab-weather
|
|
