ਸੜਕ ਹਾਦਸੇ 'ਚ ਇਕ ਦੀ ਮੌਤ

ਅਬੋਹਰ, 28 ਜਨਵਰੀ (ਸੁਖਜਿੰਦਰ ਸਿੰਘ ਢਿੱਲੋਂ)-ਅੱਜ ਤੜਕਸਾਰ ਇੱਥੇ ਮਲੋਟ ਰੋਡ ਚੌਕ 'ਚ ਟਰਾਲੀ ਦੀ ਹੁੱਕ ਟੁੱਟਣ ਨਾਲ ਟਰੈਕਟਰ ਥੱਲੇ ਆਉਣ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਮਰੀਕ ਸਿੰਘ ਪੁੱਤਰ ਰੇਸ਼ਮ ਸਿੰਘ ਵਾਸੀ ਮੂਲਿਆਂਵਾਲੀ ਆਪਣੇ ਸਾਥੀ ਜਸਪਾਲ ਸਿੰਘ ਨਾਲ ਲਕੜਾਂ ਲੈ ਕੇ ਅਬੋਹਰ ਆ ਰਿਹਾ ਸੀ ਕਿ ਮਲੋਟ ਰੋਡ 'ਤੇ ਚੌਕ 'ਚ ਟਰਾਲੀ ਦੀ ਹੁੱਕ ਟੁੱਟ ਗਈ। ਇਸ ਦੌਰਾਨ ਟਰੈਕਟਰ ਪਲਟ ਗਿਆ ਤੇ ਅਮਰੀਕ ਸਿੰਘ ਥੱਲੇ ਦਬ ਗਿਆ। ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ ਜਦੋਂ ਕਿ ਜਸਪਾਲ ਸਿੰਘ ਛਾਲ ਮਾਰ ਕੇ ਵਾਲ-ਵਾਲ ਬਚ ਗਿਆ।