ਵੱਖ-ਵੱਖ ਥਾਵਾਂ ਤੋਂ 650 ਪੇਟੀਆਂ ਸ਼ਰਾਬ ਬਰਾਮਦ

ਜਲੰਧਰ. ਗੁਰਪ੍ਰੀਤ ਸਿੰਘ ਸੰਧੂ 28 ਜਨਵਰੀ ૿ ਏ. ਸੀ. ਪੀ. ਮਾਡਲ ਟਾਊਨ ਜਸਬੀਰ ਸਿੰਘ ਦੀ ਅਗਵਾਈ ਹੇਠ ਪੁਲਿਸ ਨੇ ਵੱਖ-ਵੱਖ ਥਾਵਾਂ 'ਤੇ ਨਾਕੇ ਲਾ ਕੇ 650 ਪੇਟੀਆਂ ਸ਼ਰਾਬ ਬਰਾਮਦ ਕਰਨ ਉਪਰੰਤ ਅਗਲੀ ਕਾਰਵਾਈ ਲਈ ਐਕਸਾਈਜ਼ ਵਿਭਾਗ ਦੇ ਹਵਾਲੇ ਕੀਤੀ ਹੈ। ਜਾਣਕਾਰੀ ਅਨੁਸਾਰ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਤੇ 28 ਜਨਵਰੀ ਤੋਂ 30 ਜਨਵਰੀ ਤੱਕ ਐਲਾਨੀ ਗਈ ਪਾਬੰਦੀ ਦੇ ਮੱਦੇਨਜ਼ਰ ਸ਼ਰਾਬ ਦੀ ਵਿਕਰੀ ਬੰਦ ਰਹਿਣ ਦੇ ਬਾਵਜੂਦ ਅੱਜ ਵੱਖ-ਵੱਖ ਥਾਵਾਂ ਵਿਖੇ ਵਿਕਰੀ ਲਈ ਭਾਰੀ ਮਾਤਰਾ ਵਿਚ ਲਿਜਾਈ ਜਾਣ ਵਾਲੀ ਸ਼ਰਾਬ ਨੂੰ ਚੋਣਾਂ ਦੌਰਾਨ ਵੋਟਰਾਂ ਨੂੰ ਭਰਮਾਉਣ ਲਈ ਵੰਡੀ ਜਾਣ ਦੇ ਸ਼ੱਕ ਦੀ ਨਿਗਾਹ ਨਾਲ ਦੇਖਦੇ ਹੋਏ ਕਾਰਵਾਈ ਅਮਲ ਵਿਚ ਲਿਆਂਦੀ ਗਈ। ਏ. ਸੀ. ਪੀ. ਮਾਡਲ ਟਾਊਨ ਜਸਬੀਰ ਸਿੰਘ ਦੀ ਨਿਗਰਾਨੀ ਹੇਠ ਪੁਲਿਸ ਟੀਮ ਨੇ ਸਥਾਨਕ ਬੀ. ਐਮ. ਸੀ. ਚੌਕ ਵਿਖੇ ਟਾਟਾ 407 ਨੰਬਰ ਪੀ. ਬੀ. 08 ਏ. ਐਕਸ. 9798 ਵਿਚੋਂ 8 ਪੀ ਐਮ ਮਾਰਕਾ 300 ਪੇਟੀ ਸ਼ਰਾਬ ਬਰਾਮਦ ਕੀਤੀ। ਪੁਲਿਸ ਨੇ ਚਾਲਕ ਸੰਨੀ ਸ਼ਰਮਾ ਕੋਲੋਂ ਪੁੱਛਗਿੱਛ ਕੀਤੀ ਤਾਂ ਉਸਨੇ ਇਹ ਸ਼ਰਾਬ ਐਲ. ਵਨ ਲਾਇਸੰਸ ਹੋਲਡਰ ਜੈ ਕਿਸ਼ਨ ਲੀਕਰ ਵਾਲਿਆਂ ਦੀ ਦੱਸਦੇ ਕਰਦੇ ਹੋਏ ਕਰਤਾਰਪੁਰ ਵਿਖੇ ਇਕ ਠੇਕੇ 'ਤੇ ਲਿਜਾਏ ਜਾਣ ਦਾ ਪ੍ਰਗਟਾਵਾ ਕੀਤਾ। ਸਥਾਨਕ ਸਿਟੀ ਹਸਪਤਾਲ ਨਜ਼ਦੀਕ ਲਾਏ ਨਾਕੇ ਦੌਰਾਨ ਵੀ ਇਕ ਵਾਹਨ ਵਿਚੋਂ 200 ਪੇਟੀਆਂ ਬਰਾਮਦ ਕਰਕੇ ਐਕਸਾਈਜ਼ ਵਿਭਾਗ ਦੇ ਹਵਾਲੇ ਕੀਤੀ ਜਦ ਕਿ ਸਥਾਨਕ ਕੰਟਰੀ ਇਨ ਹੋਟਲ ਦੇ ਨਜ਼ਦੀਕ ਲੱਗੇ ਨਾਕੇ 'ਤੇ ਕਾਬੂ ਕੀਤੀ ਗਈ 150 ਪੇਟੀ ਸ਼ਰਾਬ ਨੂੰ ਐਕਸਾਈਜ਼ ਇੰਸਪੈਕਟਰ ਨੇ ਮੌਕੇ 'ਤੇ ਆ ਕੇ ਹੀ ਜਾਂਚ ਕੀਤੀ।